Сябры, на Светлым тыдні ў аўторак 26 красавіка Фонд Еўфрасінні Полацкай запрашае вас на асветніцкую лекцыю «Велікодны лёс-жыццё Афрасінні (Еўфрасінні) Полацкай» з вядомым археолагам, гісторыкам, пісьменнікам, выкладчыкам, даследчыкам Сяргеем Тарасавым, аўтарам адной з апошніх і найбольш грунтоўных кнігаў пра нашую апякунку «Еўфрасіння-Офрасіння-Афрасіння Полацкая. Яе час, яе крыж.»
Аб нябёснай Абаронцы Беларусі ўсе ведаюць са школы, у тым ліку і з падручніка «Мая Краіна — Беларусь» аўтарства спадара Сяргея Тарасава, з якога ўсе дзеці Беларусі ад 4-га класа пачынаюць вывучаць гісторыю Краіны. Кожны беларус чуў пра Еўфрасінню Полацкую і яе знакаміты Крыж, выраблены на яе замову майстрам Лазара Богшам. Але толькі спадар Сяргей уважліва прачытаў надпіс на гэтым крыжы і зрабіў адкрыццё адносна яе сапраўднага імя — Еўфрасіння — Офрасіння — Афрасіння.
Лекцыя пройдзе на Вялікдзень, бо менавіта гэтае Свята Святаў было найбольшым і найгалоўншейшым для Прападобнай. Мы даведаемся пра хрысцінства на Полаччыне часоў Афрасінні-Еўфрасінні, пра Крыжовы-Велікодны шлях нашай нябёснай Апякункі: «У любові да Бога Яна спланавала сваё жыццё і да, і пасля смерці».
Сяргей Тарасаў прысвяціў сваё навуковае і чалавечае жыццё Полацку. Ён хадзіў па вуліцах, якімі хадзіла Афрасіння Полацкая. І ён упэўнены, што ведае, дзе сёння хаваецца знакаміты Крыж Афрасінні — Лазара Богшы 1161 года, таму абавязкова будзе гаворка пра Крыж, як наагул пра сымбаль, так і пра менавіта гэтую гістарычна-духоўную каштоўнасць Беларусі.
Лекцыя адбудзецца ў корпусе Духоўнай асветы па адрасе: Мінск, вул. Кісялёва, 38.
Час: з 18.30 да 21 гадз. з перапынкам на кава-паўзу.
Рэкамендуемае дабрачыннае ахвяраванне ад 17 бел. руб.
Таксама на лекцыі можна будзе набыць згаданую кнігу Сяргея Тарасава «Еўфрасіння-Офрасіння-Афрасіння Полацкая. Яе час, яе крыж.» па найменшым кошце ад выдаўца і атрымаць аўтограф.
Запіс праз гэтую гугл-форму (калі ласка, каб не прапусьціць інфармацыю, пакідайце як мінімум 2 кантакты, а калі пакідаеце е-мэйл, абавязкова правярайце «спам»):
https://forms.gle/KDqnQxTLXHhyvYLG7
Даведкі праз кантакты: + 375-44-5386283 (Валерыя), +375-25-5458430 (viber),
электронная пошта: bielkultura@gmail.com ці праз тэлеграм @liusterka
